ՀՀ ԱՍՀՆ և ԱԺ պատվիրակության այցը Գերմանիա

27 սեպտեմբերի, 2024

Սեպտեմբերի 16-ից 19-ը ճանաչողական այցի շրջանակներում Գերմանիայում էին գտնվում ՀՀ աշխատանքի և սոցիալական հարցերի փոխնախարար Ռուբեն Սարգսյանը և Ազգային ժողովի պատգամավորներ Զարուհի Բաթոյանը, Մարիամ Պողոսյանը, Լիլիթ Ստեփանյանը և Գայանե Եղիազարյանը։ Այցը կազմակերպվել էր Ֆրիդրիխ Էբերտ հիմնադրամի կողմից՝ ի դեմս հայաստանյան գրասենյակի։

Այցի ընթացքում ՀՀ ԱՍՀՆ և ԱԺ պատվիրակությունը ծանոթացավ Գերմանիայի աշխատաշուկայի մարտահրավերներին, սոցիալական ոլորտի քաղաքականությանը։ Տարբեր գերատեսչություններում տեղի ունեցան քննարկումներ ճկուն աշխատաժամանակին, աշխատանքային անվտանգությանը, խտրականության բացառմանը, հավասար հնարավորություններին վերաբերող ծրագրերի և նախագծերի վերաբերյալ։

ՀՀ ԱՍՀՆ և ԱԺ պատվիրակությունը հանդիպումներ ունեցավ Տնտեսական համագործակցության և զարգացման դաշնային նախարարության պետքարտուղար Նիլս Աննենի, Բունդեսթագի պատգամավոր և Աշխատանքի և սոցիալական հարցերի հանձնաժողովի անդամ Մաթիաս Փափենդիքի, Ֆրիդրիխ Էբերտ հիմնադրամի և զբաղվածության դաշնային գործակալության ներկայացուցիչների հետ։

ՀՀ պատվիրակությունը Գերմանիայի գործընկերներին ներկայացրեց նաև Հայաստանի սոցիալական ոլորտի ծրագրերին առնչվող որոշ մանրամասներ, մասնավորապես Լեռնային Ղարաբաղից բռնի տեղահանված մեր հայրենակիցների սոցիալական խնդիրների լուծմանն ուղղված միջոցառումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր