Դեսպանի աշխատանքային այցը Բավարիա երկրամաս

02 հոկտեմբերի, 2024

Սեպտեմբերի 30-ին ՀՀ դեսպան Վիկտոր Ենգիբարյանն աշխատանքային այցով գտնվում էր Բավարիա երկրամասում։ Դեսպանը Մյունխենում հանդիպում ունեցավ Բավարիա երկրամասի Եվրոպայի և միջազգային հարցերի պետնախարար Էրիկ Բայսվենգերի հետ։

Զրուցակիցները քննարկեցին Բավարիա երկրամասի և Հայաստանի միջև տնտեսական, կրթական և մշակութային հարաբերությունների ընդլայնմանն առնչվող հարցեր։ Անդրադարձան տարածաշրջանային անվտանգությանը և միջազգային հարաբերություններին վերաբերող այլ թեմաների։

Հանդիպմանը մասնակցում էին նաև Եվրոպայի և միջազգային հարցերի վարչության պետ դր․ Քրիստոֆ Շթյոքլեն և Մյունխենի և Օբերբայերնի առևտրի և արդյունաբերության պալատի գործադիր խորհրդի անդամ, միջազգային, արդյունաբերության, նորարարության հարցերի պատասխանատու Քրիստոֆ Անգերբաուերը և ՀՀ պատվոհյուպատոս դր. Քրիստինե Զասսեն։

Մինչ այդ դեսպան Ենգիբարյանն այցելել էր Բավարիայում ՀՀ պատվավոր հյուպատոսի գրասենյակ և ծանոթացել վերջինիս գործունեության հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր