Աուշվից համակենտրոնացման ճամբարի ազատագրման 80-րդ տարելից

23 հունվարի, 2025

Այսօր դեսպան Վիկտոր Ենգիբարյանը մասնակցեց Աուշվից համակենտրոնացման ճամբարի ազատագրման 80-րդ տարելիցի միջոցառմանը։

Աուշվիցը նացիստական ամենախոշոր համակենտրոնացման ճամբարներից էր։ Այն ազատագրվել է 1945թ․ հունվարի 27-ին՝ Կարմիր բանակի կողմից։

Միջոցառմանը ելույթներով հանդես եկան Գերմանիայի դաշնային կանցլեր Օլաֆ Շոլցը, Ստորին Սաքսոնիա դաշնային երկրամասի վարչապետ Շտեֆան Վայլը։ Ընթերցվեց Աուշվից համակենտրոնացման ճամբարից փրկված, Աուշվիցի միջազգային կոմիտեի նախագահ Մարիան Տուրսկիի ելույթը։

Միջոցառումն ուղեկցվում էր մշակութային ծրագրով։ Երաժշտական կատարումներով հանդես եկան դաշնակահար Իգոր Լևիտը, Կասել քաղաքի RememBer եռյակը, Բրունշվայգի պետական թատրոնի մենակատարներ Անա Յոֆենն և Անտե Սլադոլյևը և Բուդապեշտից՝ Աուշվիցից փրկված Եվա Ֆահիդի դուստր Յուդիտ Լուկաչը։

Հիշատակի միջոցառումը տեղի ունեցավ Բեռլինում Ստորին Սաքսոնիա դաշնային երկրամասի ներկայացուցչությունում և ուղիղ հեռարձակմամբ լուսաբանվեց գերմանական ZDF հեռուստաալիքի կողմից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր