Դեսպանի հանդիպումը Բավարիա երկրամասի Լանդթագի նախագահ Իլզե Այգների հետ

13 փետրվարի, 2025

Փետրվարի 13-ին ՀՀ դեսպան Վիկտոր Ենգիբարյանին ընդունեց Բավարիա երկրամասի Լանդթագի (խորհրդարան) նախագահ Իլզե Այգները (ՔՍՄ)։

Հանդիպմանը դեսպանին ուղեկցում էր Բավարիա երկրամասում ՀՀ պատվավոր հյուպատոս Քրիստինե Զասսեն։

Քննարկվեց Հայաստանի և Բավարիայի միջև համագործակցության ամրապնդման հեռանկարները։ Անդրադարձ կատարվեց փոխադարձ հետաքրքրություն ներկայացնող ոլորտներում՝ զբոսաշրջություն, գյուղատնտեսություն, տեղեկատվական տեխնոլոգիաներ, կրթություն, մշակույթ, համագործակցության հնարավորություններին։

ՀՀ դեսպանը ներկայացրեց «Խաղաղության խաչմերուկ» նախաձեռնությունը և այդ համատեքստում Հայաստանի ներդրումային գրավչությունը։

Կարևորվեց Բավարիայի և Հայաստանի խորհրդարանների միջև համագործակցության ակտիվացումը։

Դեսպան Ենգիբարյանն իր զորակցությունը հայտնեց այսօր առավոտյան Մյունխենում տեղի ունեցած մահափորձի՝ ավտոմեքենայով մարդկանց ամբոխի մեջ մխրճվելու կապակցությամբ և հայտնեց, որ ամուր կանգնած ենք Գերմանիայի ժողովրդի կողքին։

Լուսանկարները՝ Բավարիայի Լանդթագի արխիվ

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր