Հայաստանի մասնակցությունը ITB Berlin 2025 միջազգային զբոսաշրջային ցուցահանդեսին

04 մարտի, 2025

Մարտի 4-6-ը Հայաստանն իր զբոսաշրջային գրավչությունն է ներկայացնում աշխարհին՝ Բեռլինում անցկացվող ITB Berlin 2025-ի շրջանակներում: Հայաստանի միասնական տաղավարում ներկայացված են Հայաստանի զբոսաշրջային ոլորտը ներկայացնող շուրջ 15 ընկերություն: ՀՀ դեսպան Վիկտոր Ենգիբարյանը ՀՀ զբոսաշրջության կոմիտեի նախագահ Լուսինե Գևորգյանի ուղեկցությամբ շրջել է Հայաստանի տաղավարում, Հայաստանի և Գերմանիայի միջև զբոսաշրջության խթանման վերաբերյալ զրուցել և քննարկումներ է ունեցել զբոսաշրջային ոլորտի հայաստանայան ընկերությունների ներկայացուցիչների հետ:

ITB Berlin-ը 1966 թվականից անցկացվող աշխարհի առաջատար զբոսաշրջային ցուցահանդեսն է, որին մասնակցում է շուրջ 10,000 ներկայացուցիչ ավելի քան 180 երկրից և տարածաշրջանից: Ցուցահանդեսում ներկայացված ընկերությունները ներառում են հյուրանոցներ, զբոսաշրջային գրասենյակներ, զբոսաշրջային օպերատորներ, ավիաուղիներ և ավտոմեքենաների վարձակալության ընկերություններ, որոնք ներկայացնում են աշխարհի լավագույն հանգստավայրերն ու զբոսաշրջային փաթեթները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր