Հայոց ցեղասպանության 110-րդ տարելիցին նվիրված հիշատակի արարողություն

14 ապրիլի, 2025

Լայպցիգ քաղաքի Սուրբ Նիկողայոս կենտրոնական եկեղեցում տեղի ունեցավ հիշատակի արարողություն` նվիրված Հայոց Ցեղասպանության 110-րդ տարելիցին։

Ներկաներին ողջունեցին Սուրբ Նիկողայոս եկեղեցու հոգևոր հովիվ Բերնհարդ Շտիֆը, Լայպցիգի քաղաքապետարանի Միջազգային համագործակցության վարչության պետ Գաբրիելե Գոլդֆուսը, Լայպցիգի հայկական մշակութային միության նախագահ Անահիտ Բաբայանը, Գերմանիայի Ավետարանական եկեղեցու Gustav-Adolf-Werk բարեգործական հիմնադրամի հոգևոր հովիվ Էնո Հակսը։

ԳԴՀ-ում ՀՀ դեսպան Վիկտոր Ենգիբարյանի հիշատակի խոսքը ներկայացրեց դեսպանության խորհրդական Լուսինե Դավթյանը:

Հայոց ցեղասպանության զոհերի հիշատակին աղոթք կարդաց Արևելյան Գերմանիայում և Բեռլինում հայ համայնքի հոգևոր հովիվ տեր Հակոբ քահանա Հակոբյանը։

Միջոցառմանը ներկա էին ՀՀ դեսպանության դիվանագետներ Լուսինե Դավթյանը և Արմինե Թադևոսյանը։

Միջոցառման ավարտին տեղի ունեցավ մոմավառություն։

Հիշատակի արարողությունը կազմակերպվել էր Լայպցիգի Հայ Մշակութային Միության կողմից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր