Վահան Տերյանի 140-ամյակին նվիրված մշակութային երեկո՝ ՀՀ դեսպանությունում

13 մայիսի, 2025

Մայիսի 13-ին ՀՀ դեսպանությունում կայացավ մշակութային միջոցառում՝ նվիրված հայ մեծանուն բանաստեղծ Վահան Տերյանի ծննդյան 140-ամյակին։

ՀՀ դեսպան Վիկտոր Ենգիբարյանի բացման խոսքը ներկայացրեց դեսպանության խորհրդական Լուսինե Դավթյանը։ Միջոցառմանը ելույթով հանդես եկավ ՀՀ Ազգային ժողովի պատգամավոր, «Ջավախք» հայրենակցական-բարեգործական հասարակական կազմակերպության նախագահ Շիրակ Թորոսյանը։

Միջոցառմանը մասնակցում էին Բեռլինի պատգամավորների պալատի անդամ Մարտի Պետցոլդը, Սաքսոնիա և Սաքսոնիա-Անհալթ դաշնային երկրամասերում ՀՀ պատվավոր հյուպատոսներ Լուկաս Ֆյոթերը և Միխայել Շմիդտը, ինչպես նաև դեսպանության գերմանացի գործընկերներ և հայ համայնքի ներկայացուցիչներ։

Երեկոյի ընթացքում տեղի ունեցավ ավստրիացի նշանավոր գրող Արթուր Շնիցլերի «Տիկին Բերտա Գարլանը» գրքի շնորհանդեսը, որի հրատարակության նախաձեռնողը և հովանավորը Շիրակ Թորոսյանն է։ «Տիկին Բերտա Գարլանը» նովելը դեռևս 1912թ․ Վահան Տերյանը թարգմանել ու հրատարակել է հայերեն, իսկ հիմա վերահրատարակվել է երկու լեզվով՝ հայերեն և գերմաներեն։

Մշակութային միջոցառման ընթացքում ընթերցվեցին Վահան Տերյանի բանաստեղծությունները՝ հայերեն և գերմաներեն լեզուներով, որոնք ուղեկցվեցին երաժշտական կատարումներով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր