Հայաստանյան ընկերություններն աշխարհի ամենամեծ տեխնոլոգիական և ստարտափ ցուցահանդես-տոնավաճառին

21 մայիսի, 2025

Մայիսի 21-23-ը հայաստանյան շուրջ երկու տասնյակ ընկերություններ և ստարտափեր մասնակցում են GITEX Europe-ին, որը Դուբայից հայտնի աշխարհի ամենամեծ տեխնոլոգիական և ստարտափ ցուցահանդեսի՝ GITEX-ի եվրոպական տարբերակն է: GITEX Europe-ը համախմբում է տեխնոլոգիական նորարարներին, կառավարություններին և ոլորտի առաջատարներին ամբողջ աշխարհից՝ արագացնելու տեխնոլոգիական առաջընթացը և ձևավորելու գլոբալ փոխկապակցված ապագա։

Այս բացառիկ ցուցահանդես-տոնավաճառը հայկական ստարտափերին հնարավորություն է ընձեռում միջազգային լսարանի առջև ներկայանալու և նոր համագործակցություններ հաստատելու: Ընդհանուր առմամբ ներկայացվում են նորարարական լուծումներ ռոբոտատեխնիկայի, արհեստական բանականության, ամպային տեխնոլոգիաների, ֆինանսական տեխնոլոգիաների (FinTech), կիբերանվտանգության, կայուն տեխնոլոգիաների, ապագայի շարժունակության, թվային առողջապահության և մի շարք այլ ոլորտներում։

GITEX Europe-ը համախմբում է տեխնոլոգիական ոլորտի շուրջ 6,000 ցուցադրող ավելի քան 100 երկրից, 1800 ստարտափ և ավելի քան 1400 բանախոս։

Նշենք, որ միջոցառման բացման հանդիսավոր արարողությանը մասնակցել է նաև դեսպան Վիկտոր Ենգիբարյանը:

Մայիսի 23-ին ՀՀ դեսպանը GITEX Europe-ին մասնակցելու նպատակով Բեռլին ժամանած Հայաստանի ներկայացուցիչներին ողջունել է դեսպանությունում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր