ՀՀ տարածքային կառավարման և ենթակառուցվածքների նախարար Դավիթ Խուդաթյանի այցը Գերմանիա

16 հունիսի, 2025

Գերմանիա կատարած աշխատանքային այցի ընթացքում ՀՀ տարածքային կառավարման և ենթակառուցվածքների նախարար Դավիթ Խուդաթյանը հունիսի 16-ին հանդիպում ունեցավ Սաքսոնիա֊Անհալթ երկրամասի փոխվարչապետ, Գիտության, էներգետիկայի, կլիմայի պահպանության և շրջակա միջավայրի դաշնային նախարար Արմին Վիլինգմանի հետ։ Հանդիպմանն անդրադարձ կատարվեց վերականգնվող էներգետիկայի ուղղության զարգացմանը, կուտակիչ կայաններին, ջրածնային էներգիային վերաբերող հարցերին։

Նուն օրը նախարար Դավիթ Խուդաթյանը հանդիպում ունեցավ Սաքսոնիա-Անհալթ երկրամասի Լանդթագի նախագահ Գունար Շելենբերգերի հետ։ Քննարկվեցին մարզերի և քաղաքների միջև ապակենտրոնացված համագործակցությանն առնչվող հարցեր։ Հանդիպման ավարտին նախարար Դավիթ Խուդաթյանը գրառում կատարեց Լանդթագի պատվավոր հյուրերի մատյանում։

Հանդիպումներին մասնակցեցին ԳԴՀ-ում ՀՀ դեսպան Վիկտոր Ենգիբարյանը և Սաքսոնիա-Անհալթ երկրամասում ՀՀ պատվավոր հյուպատոս Միխաել Շմիդտը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր