Հայաստանը Oktoberfest ընդունելության գործընկեր

19 սեպտեմբերի, 2025

Գերմանիայի Տնտեսության Արևելյան հանձնաժողովը Բեռլինի Vagabund գարեջրի գործարանում ևս կազմակերպել է ավանդական գարեջրի փառատոն՝ «Oktoberfest», որի շրջանակում գործընկեր պետությունն է Հայաստանը։

Միջոցառմանը մասնակցեցին Գերմանիայում հավատարմագրված դեսպաններ և բազմաթիվ գործարարներ։

Բացման խոսքով ելույթ ունեցան Գերմանիայի Տնտեսության Արևելյան հանձնաժողովի տնօրեն Միխայել Հարմսը, ՀՀ դեսպան Վիկտոր Ենգիբարյանը և DF Deutsche Fortfait ֆինանսական ընկերության ներկայացուցիչ Պրոֆ. դր. Վոիլֆ Լապինսը։

Հայկական և գերմանական երգ-երաժշտության ներքո միջոցառմանը մասնակիցները տոնեցին երկրների ու ժողովուրդների միջև բարեկամությունը, համտեսեցին ազգային սնունդ և խմիչքներ, այդ թվում՝ Հայաստանից ներմուծված գարեջուր, գինի և բրենդի, որոնք հասանելի են արդեն գերմանական շուկայում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր