Հայաստանյան արտադրողները միջազգային ցուցահանդեսում

08 հոկտեմբերի, 2025

Հոկտեմբերի 6-8-ը Հայաստանը միասնական ազգային տաղավարով մասնակցեց Բեռլինում BCB Convent Berlin 2025 գինու և ոգելից խմիչքների միջազգային ցուցահանդեսին, որը խմիչքի և բարային արդյունաբերության ամենամեծ միջազգային ցուցահանդեսն է։

Ցուցահանդեսին Հայաստանի տաղավարում ներկայացված էր հայկական 10 ընկերության արտադրանք։

Դեսպան Ենգիբարյանն այցելեց Հայաստանի տաղավար, որտեղ հանդիպեց հայկական ընկերությունների ներկայացուցիչների հետ և ծանոթացավ ներկայացված արտադրանքին։ Քննարկվեցին հայկական արտադրանքը Գերմանիայում առավել հայտնի դարձնելու և հնարավոր համագործակցության ուղիները։ Դեսպանն իր պատրաստակամությունը հայտնեց աջակցելու ընկերություններին՝ նոր շուկա մուտք գործելու և գործընկերային կապեր հաստատելու հարցում՝ նպաստելով Հայաստանի և Գերմանիայի միջև երկկողմ տնտեսական հարաբերությունների խորացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր