Հայաստան-Գերմանիա մշակութային նախագիծ Ֆրայբուրգում

09 հոկտեմբերի, 2025

Հոկտեմբերի 9-ին դեսպան Վիկտոր Ենգիբարյանը Ֆրայբուրգի քաղաքապետ Մարտին Հորնի հրավերով այցելեց Ֆրայբուրգ՝ մասնակցելու Գերմանիա-Հայաստան համատեղ մշակութային նախագծին:

Քաղաքապետարանում կայացած հանդիպման ընթացքում կողմերը քննարկեցին Հայաստանի և Ֆրայբուրգի միջև մշակութային և կրթական համագործակցությունը խթանելու հնարավորությունները։ Հանդիպման ավարտին՝ ի նշանավորումն Հայաստանի և Ֆրայբուրգի միջև բարեկամական կապերի ամրապնդման, դեսպան Ենգիբարյանը գրառում կատարեց քաղաքի Ոսկե Գրքում։

Այցի շրջանակներում ՀՀ դեսպանը և Բադեն Վյուրթեմբերգ երկրամասում ՀՀ պատվավոր հյուպատոսության ներկայացուցիչները Ֆրայբուրգի համալսարանի Ցվետաևայի անվան կենտրոնում մասնակցեցին „FEAR–LESS–HOPE: Framing Time“ խորագրով ցուցահանդեսին, որը հանդիսանում է Հայաստան-Գերմանիա համատեղ մշակութային նախագծի մի մաս, կազմակերպված Ֆրայբուրգի համալսարանի Ցվետաևայի կենտրոնի, KulturDialog Armenien և Երևանի HayArt Centre-ի համագործակցությամբ։ Ցուցահանդեսը միավորում է գերմանական և հայկական արվեստագետների ու մի շարք մշակութային հաստատություններ, խթանում է ստեղծագործական երկխոսությունը և միջազգային համագործակցությունները։

Ցուցահանդեսին ողջույնի խոսքով հանդես եկան ՀՀ դեսպան Վիկտոր Ենգիբարյանը, Ֆրայբուրգի քաղաքապետ Մարտին Հորնը, Ցվետաևայի կենտրոնի նախագահ Էլիզաբետ Շորեն: Դեսպան Ենգիբարյանը շնորհակալություն հայտնեց նախագծի կազմակերպիչներին և ընդգծելով, որ մեր երկրները կիսում են միասնական արժեքային համակարգ՝ կարևորեց նման նախաձեռնությունների դերը՝ ժողովուրդների միջև մշակութային երկխոսությունը խթանելու գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր