Բուդեսթագում ձևավորվել է Գերմանիա-Հարավային Կովկաս խորհրդարանական նոր խումբ

12 նոյեմբերի, 2025

Տեղի ունեցավ ԳԴՀ-ում ՀՀ դեսպան Վիկտոր Ենգիբարյանի հանդիպումը Բունդեսթագի Գերմանիա-Հարավային Կովկաս խորհրդարանական խմբի ղեկավար Միրզե Էդիսի (Mirze Edis, Ձախեր/Die Linke) հետ: ՀՀ դեսպանը շնորհավորեց պարոն Էդիսին խմբի ղեկավար ընտրվելու կապակցությամբ և մաղթեց հաջողություն: Վիկտոր Ենգիբարյանը և Միրզե Էդիսը կարևորեցին խորհրդարանական դիվանագիտության դերը Հայաստան-Գերմանիա գործընկերության համատեքստում և մտքեր փոխանակեցին երկկողմ օրակարգի, Հայաստան-ԵՄ ինտեգրացիոն գործընթացի, ինչպես նաև Հայաստան-Թուրքիա, Հայաստան-Ադրբեջան հարաբերությունների բարելավման թեմաներով:

ՀՀ դեսպանը ներկայացրեց տարածաշրջանում խաղաղության հաստատումից հետո տնտեսական հնարավորությունները և Հայաստանի կառավարության Խաղաղության խաչմերուկ նախագիծը։ Վերջում ՀՀ դեսպանը խմբի նորընտիր ղեկավարին հրավիրեց այցելել Հայաստան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր