Դեսպան Ենգիբարյանը Բեռլինի Կաթողիկե „Märtyrer von Berlin“ եկեղեցում մասնակցեց էկումենիկ արարողության

22 հունվարի, 2026

Պատարագը մատուցվեց Հայ առաքելական եկեղեցու Գերմանիայի Հայոց թեմի առաջնորդ Գերաշնորհ Տ․ Սերովբե եպիսկոպոս Իսախանյանի և Բեռլին-Բրանդենբուրգի Էկումենիկ Խորհրդի (ÖRBB) Գործադիր կոմիտեի նախագահ Մոնսինյոր Դոկտոր Գյունթերի կողմից։ Պատարագին մասնակցեցին Հայ Առաքելական եկեղեցու և Կաթողիկե եկեղեցու մի շարք հոգևորականներ։

Գերմանիայում Հայաստանի Հանրապետության դեսպան Վիկտոր Ենգիբարյանն իր ողջույնի խոսքում շնորհակալություն հայտնեց Բեռլին-Բրանդենբուրգ Էկումենիկ խորհդին՝ էկումենիկ արարողության կազմակերպման և միջեկեղեցական համագործակցության ամրապնդման համար։

Դեսպան Ենգիբարյանը ընդգծեց, որ Հայաստանը որպես քրիստոնեությունը պետական կրոն հռչակած առաջին պետություն, ավելի քան 1700 տարի պահպանել է իր քրիստոնեական հավատքն ու հոգևոր ժառանգությունը՝ որպես ինքնության, հույսի և ուժի աղբյուր։ Դեսպան Ենգիբարյանը կարևորեց պատարագին Տ․ Սերովբե եպիսկոպոս Իսախանյանի մասնակցությունը՝ իբրև Հայաստանի, սփյուռքի և համաշխարհային քրիստոնեական համայնքի միջև խորհրդանշական կապի դրսևորում։

Միջոցառումը ևս մեկ անգամ վերահաստատեց էկումենիկ երկխոսության, փոխադարձ հարգանքի և խաղաղության ճանապարհին միասին քայլելու կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր