Քրիստոնյաների միասնության աղոթքի շաբաթվա էկումենիկ արարողություն

25 հունվարի, 2026

Այս տարվա պատարագը կազմակերպվել էր Գերմանիայի Քրիստոնյա եկեղեցիների աշխատանքային Խորհրդի (ACK) և Գերմանիայի Հայ Առաքելական Եկեղեցու համատեղ համագործակցությամբ։

Պատարագը մատուցվեց Գերմանիայի Հայոց Թեմի հոգևոր առաջնորդ Գերաշնորհ Տ. Սերովպե եպիսկոպոս Իսախանյանի կողմից, քարոզը կարդաց Գերմանիայի Քրիստոնյա եկեղեցիների աշխատանքային Խորհրդի նախագահ Պատվելի Քրիստոֆեր Իսթհիլը։

Ողջույնի խոսքով ներկաներին դիմեցին Քյոլնի քաղաքապետ Թերեզա Դե Բելլիս-Օլինգերը, Հյուսիսային Հռենոս-Վեստֆալիայի դաշնային երկրամասի կանցլերի գրասենյակի Եկեղեցիների, հրեական և այլ կրոնական համայնքների հետ կապերի բաժնի ղեկավար դր. Գեորգ Մանտենը, ինչպես նաև ԳԴՀ-ում ՀՀ դեսպանության խորհրդական Լուսինե Դավթյանը, ով փոխանցեց ՀՀ դեսպան Վիկտոր Ենգիբարյանի ողջույնի խոսքը։

Պատարագն ուղեկցվում էր Հայաստանից «Գեղարդ» երգեցիկ խմբի մասնակցությամբ, խմբավար՝ Անահիտ Պապայան։

Հայ Առաքելական Եկեղեցին ընտրելով որպես կենտրոնական պատարագի վայր՝ Գերմանիայի Քրիստոնյա եկեղեցիների աշխատանքային Խորհուրդն ընդգծում է իր էկումենիկ համագործակցությունն ու համերաշխությունը աշխարհի ամենահին քրիստոնեական ավանդույթներից մեկի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր