Պատվո մեդալի շնորհման արարողություն դոկտոր Գունար Շելենբերգերին

11 հունիսի, 2026

Հունիսի 11-ին ԳԴՀ-ում ՀՀ դեսպանատանը կազմակերպվել էր հանդիսավոր ընդունելություն՝ Սաքսոնիա–Անհալթ դաշնային երկրամասի խորհրդարանի նախագահ, դոկտոր Գունար Շելենբերգերին ՀՀ արտաքին գործերի նախարարության կողմից պատվո մեդալի շնորհման առիթով։

Միջոցառմանը ելույթ ունեցավ Գերմանիայում Հայաստանի դեսպան Վիկտոր Ենգիբարյանը և շնորհակալություն հայտնեց դոկտոր Շելենբերգերին Հայաստանի հետ հարաբերությունների զարգացման և երկկողմ կապերի ամրապնդման գործում ցուցաբերած նվիրվածության, մասնավորապես՝ Հայաստանի և Սաքսոնիա-Անհալթ երկրամասի միջև մշակույթի, գիտության և կրթության ոլորտում համագործակցության խորացման գործում ակտիվ աջակցության համար։

Այնուհետև իր խոսքը հղեց Սաքսոնիա–Անհալթ դաշնային երկրամասի խորհրդարանի նախագահ, դոկտոր Գուննար Շելենբերգերը։

Արարողությանը մասնակցեցին Սաքսոնիա–Անհալթ դաշնային երկրամասի խորհրդարանի ներկայացուցիչներ, դիվանագետներ և այլ հյուրեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր