«Դեպի COP17» խորագրով քաղաքացիական հասարակության ներկայացուցիչների մասնակցությամբ նախակոնֆերանս

08 հոկտեմբերի, 2026

Հոկտեմբերի 19-ից 30-ը Երևանում կայանալիք ՄԱԿ-ի «Կենսաբանական բազմազանության մասին» կոնվենցիայի Կողմերի 17-րդ համաժողովին (CBD COP17) ընդառաջ հոկտեմբերի 8-ին Գերմանիայի «Շրջակա միջավայր և զարգացում» ֆորումի կողմից կազմակերպվեց քննարկում՝ քաղաքացիական հասարակության ներկայացուցիչների մասնակցությամբ:

Քննարկումը կենտրոնացած էր կենսաբազմազանության պահպանման ուղղությամբ համատեղ առաջընթացը գնահատելուն, և այդ ուղղությամբ գործուն քայլերն արագացնելուն, որոնք ուղղված են մինչև 2030 թ կենսաբազմազանության գլոբալ նպատակների իրականացմանը։

Միջոցառմանը մասնակցում էին Բունդեսթագի պատգամավորներ, լրագրողներ, շրջակա միջավայրի և բնության պահպանության պետական ինստիտուտների ներկայացուցիչներ, քաղաքացիական հասարակության ներկայացուցիչներ, փորձագետներ:

Միջոցառմանը մասնակցեց և ելույթով հանդես եկավ ԳԴՀ-ում ՀՀ դեսպան Վիկտոր Ենգիբարյանը: Դեսպանն իր ելույթում ներկայացրեց Հայաստանի նախագահության առաջնահերթությունները և «Taking action for nature» կարգախոսի հիմքում ընկած տեսլականը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր