Գերմանիայի զբոսաշրջային միության Արտագնա զբոսաշրջության հարցերով հանձնաժողովի նիստը ՀՀ դեսպանատանը

14 հոկտեմբերի, 2026

Հոկտեմբերի 14-ին Գերմանիայի Դաշնային Հանրապետությունում Հայաստանի Հանրապետության դեսպանությունը հյուրընկալել է Գերմանիայի զբոսաշրջային միության Արտագնա զբոսաշրջության հարցերով հանձնաժողովի հերթական նիստը՝ հանձնաժողովի նախագահ Օլիվեր Ցահնի նախագահությամբ։

Միջոցառմանը մասնակցել են արտագնա զբոսաշրջային ոլորտի առաջատար ընկերությունների ներկայացուցիչներ։

Հանձնաժողովի նիստի ՀՀ դեսպանատանը անցկացնելու որոշումը խորհրդանշական է և օրակարգային այլ հարցերից զատ նպատակ ունի ընկերություններին ներկայացնելու Հայաստանը՝ որպես գրավիչ զբոսաշրջային ուղղություն։

Նիստին ընդառաջ բացման խոսքով հանդես է եկել Գերմանիայում ՀՀ դեսպան Վիկտոր Ենգիբարյանը՝ ներկայացնելով Հայաստանի զբոսաշրջային հարուստ ներուժն ու հնարավորությունները։

Նիստից հետո Գերմանիայի զբոսաշրջության միության անդամները մասնակցել են Հայաստանից Գերմանիա ներմուծված գինու համտեսի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր