Գերմանա-հայկական 15-րդ հոբելյանական համերգաշարի բացումը

20 հոկտեմբերի, 2026

Դուրլախի Կարլսբուրգ պալատում կայացել է Գերմանա-հայկական երաժշտական միության 15-րդ հոբելյանական համերգաշարի հանդիսավոր բացումը։

Անվանի դիրիժոր Հայկո Մաթիաս Ֆյորսթերի, որը միաժամանակ Բադեն-Բադենի ֆիլհարմոնիկ նվագախմբի գլխավոր դիրիժորն է, ղեկավարությամբ ելույթ ունեցավ Պրահայի թագավորական կամերային նվագախումբը՝ մենակատարներ Կոհ Գաբրիել Կամեդայի և Անի Աղաբեկյանի մասնակցությամբ։

2011 թվականին ջութակահար Անի Աղաբեկյանի նախաձեռնությամբ հիմնադրված համերգաշարը նշանակալի ներդրում ունի հայ և եվրոպական երաժշտական մշակույթների հանրահռչակման, ինչպես նաև հայ-գերմանական մշակութային կապերի ամրապնդման գործում։

Միջոցառմանը ողջույնի խոսքով հանդես է եկել Կարլսրուեի քաղաքապետ դոկտոր Ալբերտ Քոյֆլայնը՝ ընդգծելով համերգաշարի կարևորությունը տարածաշրջանի մշակութային կյանքում և միջմշակութային երկխոսության զարգացման գործում։

Հոբելյանական համերգը լուսաբանվել է գերմանական Badische Neueste Nachrichten (BNN) օրաթերթի և PAMINA ամսագրի կողմից։

Գերմանա-հայկական 15-րդ հոբելյանական համերգաշարն անցկացվել է նաև Գերմանիայում ՀՀ դեսպանության աջակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր