ԳԴՀ-ում ՀՀ դեսպանի այցը Շլեզվիգ-Հոլշթայն երկրամաս

06 նոյեմբերի, 2026

Տեղի ունեցավ Գերմանիայում ՀՀ դեսպան Վիկտոր Ենգիբարյանի այցը Գերմանիայի Շլեզվիգ-Հոլշթայն երկրամաս: Մայրաքաղաք Քիլում ՀՀ դեսպանին ընդունեց երկրամասի վարչապետ Դանիել Գյունթերը: Հանդիպմանը մասնակցեց նաև Շլեզվիգ-Հոլշթայն երկրամասի գյուղատնտեսության,գյուղական տարածքների, Եվրոպայի և սպառողների պաշտպանության նախարարության պետքարտուղար Օտտո Քարսթենը:

Հանդիպմանը քննարկվեցին Հայաստանի և Շլեզվիգ-Հոլշթայն երկրամասի միջև տարբեր
բնագավառներում համագործակցության հնարավորությունները, առանձնահատուկ ընդգծվեց
տնտեսության տարբեր ոլորտներում հատկապես՝ վերականգնվող էներգիայի, տեղեկատվական
տեխնոլոգիաների, ինչպես նաև ապակենտրոնացված համագործակցության բնագավառում գործընկերության ծավալման անհրաժեշտությունն ու դեռևս չօգտագործված տնտեսական ներուժի օգտագործման կարևորությունը:

Զրուցակիցներն անդրադարձան նաև մշակույթի, զբոսաշրջության, ինչպես նաև գիտության և
կրթության ոլորտներում հետագա համագործակցության հեռանկարներին ու առկա
հնարավորություններին:

Դեսպան Ենգիբարյանը գրառում կատարեց պատվավոր հյուրերի «Ոսկե գրքում»։

Շլեզվիգ-Հոլշթայն երկրամաս այցի ընթացքում ՀՀ դեսպանին ուղեկցեց Շլեզվիգ-Հոլշթայն երկրամասում ՀՀ պատվավոր հյուպատոս Հայկո Հեխթը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր