Հայոց ցեղասպանության 97-ամյակին նվիրված միջոցառումներ Բեռլինում

25 ապրիլի, 2012

Ս.թ. ապրիլի 24-ին Բեռլինում տեղի ունեցան Հայոց ցեղասպանության 97-ամյակին նվիրված միջոցառումներ։

Բեռլինի Լուիզենկիրխե եկեղեցում տեղի ունեցավ Ցեղասպանության զոհերի հիշատակին նվիրված հոգեհանգստի արարողություն, որը վարում էր ԳԴՀ-ում Հայ Առաքելական եկեղեցու առաջնորդ արքեպիսկոպոս Գ. Բեքչյանը։ Միջոցառմանը ելույթ ունեցան Հայ եկեղեցական և մշակութային համայնքի ատենապետ Պ. Տիքիճեանը, Պոտսդամի Լեփսիուսի տուն-թանգարանի ներկայացուցիչ Հ. Շուլցը։ Կոմիտասի ստեղծագործություններից կատարեցին երգիչ Ա. Կիրակոսյանը և դաշնակահարուհի Ն. Շմալենբերգը։

Բեռլինի Ֆրանսիական տաճարում տեղի ունեցավ Ցեղասպանության 97-ամյակին նվիրված հուշ-երեկո, որին ներկա էին տարբեր ազգությունների բազմաթիվ հյուրեր, գիտնականներ, լրագրողներ, ԳԴՀ Բունդեսթագի և օտարերկրյա դեսպանությունների ներկայացուցիչներ։ Ելույթ ունեցան Բեռլինի Հայ համայքի ատենապետ Վ. Ալյանակը, Մայնի Ֆրանկֆուրտի համալսարանի պրոֆեսոր Մ. Բրումլիքը, ովքեր դատապարտեցին Թուրքիայի Հայոց ցեղասպանության ժխտման քաղաքականությունը։ Միջոցառմանը ելույթ ունեցավ նաև ԳԴՀ-ում ՀՀ դեսպան Ա. Մարտիրոսյանը։ Կոմիտասի և Բարսեղ Կանաչյանի ստեղծագործություններից կատարեցին երգչուհի Ն. Եղյանը և դաշնակահարուհի Ս. Շմեդինգ-Ֆարմասյանը։ Աղավնի Վարդանյանի կյանքի և Ցեղասպանության տարիների հիշողությունները կարդաց գերմանացի դերասանուհի Է. Պետրին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր