Հայոց ցեղասպանության 100-րդ տարելիցին նվիրված միջոցառում Բեռլինում

30 մարտի, 2015

Մարտի 29-ին Բեռլինի «Կայսր Վիլհելմ» բողոքական եկեղեցում տեղի ունեցավ Հայոց ցեղասպանության 100-րդ տարելիցին նվիրված միջոցառում: Ներկաներին ողջույնի խոսքով դիմեցին նշյալ եկեղեցու քահանա Կորնելիա Կուլավիկը և Հայ Առաքելական եկեղեցու Գերմանիայի թեմի առաջնորդ Գարեգին արքեպիսկոպոս Բեկչյանը:  Այնուհետև ելույթ ունեցավ Բեռլինի բողոքական եկեղեցու քահանա, Պրուսիայի արքայազն Ֆիլիպ-Կիրիլը, որը Գերմանիայի վերջին Կայսր Վիլհելմ Երկրորդի ծոռն է: Ֆիլիպ-Կիրիլն իր ելույթում ներողություն խնդրեց հայերից` նշելով. «Ես գիտեմ, որ Հայոց ցեղասպանության զոհերի և նրանց հետնորդների ցավն անդառնալի է, սակայն խնդրում եմ, եթե կարող եք, ներե՛ք նաև իմ պապին` Կայսր Վիլհելմին»:  Միջոցառման ավարտին ելույթով ներկաներին դիմեց նաև Գերմանիայում ՀՀ գործերի ժամանակավոր հավատարմատար Աշոտ Սմբատյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր