Հայոց Ցեղասպանության 101-րդ տարելիցին նվիրված միջոցառում Բեռլինում

25 ապրիլի, 2016

Ապրիլի 24-ին Բեռլինում՝ Գերմանական պատմության թանգարանում, կայացավ Հայոց Ցեղասպանության 101-րդ տարելիցին նվիրված կենտրոնական միջոցառումը, որը կազմակերպվել է Գերմանահայոց կենտրոնական խորհրդի, Հայ Առաքելական Եեկեղեցու Գերմանիայի թեմի Առաջնորդարանի և ԳԴՀ-ում ՀՀ դեսպանության կողմից՝ Բեռլինի հայկական համայնքների աջակցությամբ։

Միջոցառմանը բացման խոսքով հանդես եկան ՀՀ դեսպան Աշոտ Սմբատյանը և ԳԿԽ վարչության նախագահ Ժակլին Խաչատուրյանը։ Այնուհետև ելույթներով հանդես եկան ԳԴՀ Բունդեսթագի մարդու իրավունքների և հումանիտար հարցերի մշտական հանձնաժողովի նախագահ Միխայել Բրանդը և Գերմանիայի «Կանաչներ» կուսակցության համանախագահ Ջեմ Օզդեմիրը։

Երեկոն ավարտվեց ի հիշատակ Օսմանյան կայսրությունում նահատակված հայերի Տիրունական աղոթքով` մատուցմամբ ՀԱԵ Գերմանիայի թեմի առաջնորդ Գարեգին արքեպիսկոպոս Բեկչյանի։

Բեռլինի պետական օպերայի հանրահայտ սոպրանո Նարինե Յեղիյանը, դաշնակահարուհի Լիլիթ Գրիգորյանը և սաքսոֆոնիստ Հայրապետ Առաքելյանը ներկաների համար կատարեցին Շտրաուսի, Մարչելլոյի, Կոմիտասի և Առնո Բաբաջանյանի ստեղծագործությունները։

Միջոցառմանը ներկա էին ԳԴՀ-ում Վատիկանի նունցիուս արքեպիսկոպոս Նիկոլա Էտերովիչը, ԳԴՀ-ում հավատարմագրված դեսպաններ, դիվանագետներ, Բունդեսթագի և լանդթագերի պատգամավորներ, ԳԴՀ կառավարության, ԱԳՆ բարձրաստիճան պաշտոնյաներ, հասարակական-քաղաքական գործիչներ, լրագրողներ, հայ, հույն, հրեա, ասորի համայնքների ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր